02/09/2013 21:35:38

Qeveria lë takim në Shkodër

nga Doriana Metollari

SHKODER - Më tepër se pushime, punë për Qeverinë e re shqiptare. Etapa e tjetër e diskutimeve, për planin e punës që ka çdo dikaster, buxhetin dhe strategjitë e implementimit në terren, ndarja e posteve, së bashku me situatën financiare shqiptare, ka qenë në Shkodër ku ministrat e tij do t’i japin ''ok'' programit të 100 ditëve të para të qeverisjes.

Edi Rama ka ardhur dy orë para orarit të parashikuar.

Mbledhja është zhvilluar pa praninë e gazetarëve dhe të vetmit që u lejuan të ngjiteshin në sallën e mbledhjes, ishte grupi i xhirimit të Partisë Socialiste së bashku me fotografin zyrtar dhe personat që më pas dërguan veshjet zyrtare për shkak të pranisë së kamerave.

Mbledhja e nisur rreth orës 15:20 minuta vazhdoi gjatë dhe do të mbyllet nesër rreth mesditës. Askush nuk e di përveç tij, nëse Rama do të japë ndonjë deklaratë për shtyp, por mesa duket kreu i qeverisë së re nuk ka shumë për të thënë para mediave.

Fjalët e thëna gjatë fushatës elektorale priten të bëhen realitet dhe aktualisht Qeveria po bën përgatitje të gjatë për të filluar sezonin katër vjeçar të qeverisjes.

A do të kenë shqiptarët qeverinë e dëshiruar gjatë viteve të gjata të tranzicionit ? Do të mundet Rama ta mbajë besimin e elektoralit të tij ?Njerëzit presin diçka më shumë pas pushimeve dhe pritja rrit vëmendjen e mediave që gjithsesi nuk kanë shumë lajm për të dhënë.

Gazetarët presin pas dyerve të mbylluara të qeverisë që po punojnë për t'i dhënë fund shumë vuajtjeve, por sfidat nuk do të mungojnë dhe nuk do të jenë të lehta për askënd. //HermesNews - ©2013// Na ndiqni dhe në Facebook dhe Twitter

Doriana Metollari

Dërgo me email | Stampo artikullin